2011

我永遠唔會忘記2010年, 學識左好多野
一向都不會出外慶祝, 選擇靜靜地一個人等待新1年再許下1個新年願望
我希望下一個除夕, 沒有眼淚, 就算你仍舊不在我身邊....

麥氏偵探社

老老實實, 麥偵探係我細個睇《閃電傳真機》最愛我角色...
我都有成支甘荀咁啪0架, 食到我今時今日幾「醒」!!
仲有當年佢次次話比1分鐘時間小朋友, 我都無質疑過佢個時計做咩走得咁快的...

尋日麥包萬千星星度得獎, 我都好感動, 佢扮的老鼠, 管家, 蒙查查全部都好經典的...

只知道《放學ICU》的小朋, 不要問我什麼是《閃電傳真機》...

 

25歲讀了《挪威的森林》

我買了2次《挪威的森林》
有2個原因
一. 我不喜歡到公共圖書館借書, 我覺得我要擁有果本書, 先會有心機讀落去(加上經常忘記還書, 比人罰得太多)
二. 第一次買下《挪威的森林》是在書城, 咁即係簡體啦, 我對簡體字的厭惡, 令我只可以應付中國文學那些必讀的參考書, 除此以外我都唔想見到佢, 所以如果我國廢除繁體中文, 我估我會移民!
(題外話：如果現在比我重讀一次A-LEVEL, 我諗我會好比心機, 因為你一世人都唔會再比咁多時間去了解一D文學呀, 歷史呀, 修辭手法呀, 思想哲學呀...呢D永遠用唔著係解答老闆問題的範疇之上)

於是, 第一本《挪威的森林》送了比表弟, 今日再係田園見到折左$70的《挪威的森林》, 一手拿下...原因...

上集用了正紅封面, 下集用了墨綠色...好靚囉! (沒有什麼文學修養的人)

-------
之後我話比T知道我買了村上春榭的書, 佢, 就係我呢個世界上唯一唔知村上春樹係乜水的朋友!!於是, 我努力想解釋比佢知村上知名的程度...
我: 你一本都無睇過都應該聽過下丫..
T: 無喎, 我第一次聽都係從你口中知
我:........
T: 咁你解釋下佢有幾「紅」
我: 佢即係等如周杰倫呀...張學友呀...王菲呀咁囉...無咩人係亞洲唔識佢囉....(好差的解釋...")