2012

Oh my mama~
咁又一年了, 死了, 我真係老了, 今年依然是一個人在家踏入新一年

但我不覺得什麼, 反而很開心...終於捱過2011年了, 希望一切會更好...
我也會變成一個更好的人..

下一個元旦, 期待哦! * v *

MOVIE TIME

以前讀書, 起碼每個星期睇一套戲, 出左來做野真係少左好多, 唔好話入戲院, PPS都懶了, :P時間用晒來訓覺...同SHOPPING...HAHA

最近多返入戲院, 因為開始了第一次自己1個人去睇戲, 其實自己1個都唔係咁"可怕", 以前我一定唔會1個人睇戲. 連食飯如果要自己1個, 也會情原外買, 唔係因為我係果D一定要有人陪去廁所的女仔...只係我係人多的地方我自己不願久留, 如果成個場得我1個人又OK WO~是比理病吧!

拉遠了~

人大了好多野都自己搞掂, 唔習慣都要習慣面對...而令我的起心肝自己1支公去睇的是<<母親的故事>>, 用平淡,真實的調子去表達仇恨的可怕....喜歡它全片的冷靜, 沒有渲染, 就算最後出現了驚人的真相, 都唔會見到D大喊大叫, 是好電影!

之後又係FB見人讚<<武俠>>, 於是又引左我去睇了, 宇宙最強是打得好, 但成套戲最多舊魚的是金城武的角色, 我絕對是它的FANS, 不過老實果句, 佢的角色唔O岩佢, 沒有演到個分神經質感覺...像<<神探>>的林家棟反而更合適, 如果唔係呀金城SAN, 我覺得成個戲根本都唔駛用咁多筆墨去寫佢個角色, 浪費時間, 不如再比多D位講宇宙最強同湯唯的夫妻情OR宇宙最強同王羽的父子情仲好啦~最後是Q旦打個雷就令好有氣勢的王羽K.O., 感覺好到喉唔到肺, 而且佢的拍攝手法, 一開波SLOW MOTION分析宇宙最強的打鬥, 勁有<<福爾麼斯>>的感覺...總結是中規中矩, 至LIKE係王羽的戲份, 真係好有勁好打的惡人感覺...

<<竊聽風雲2>>不及1有趣, 但都OK好睇, 第一套我覺得有旺角黑夜的感覺, 呢套呢就變了「竊聽風雲之暗戰大時代」=丁蟹+劉華, 都幾好睇, 咩都有D咁...

<<情約一天>>
睇完TRAILER已經想睇, 佢的POSTER太好了拍得!!! 開初以為係老土野, 雖然佢始終都係有個老土結局催下淚, 但我最欣賞佢用咁少時間都可以有條不絮咁將20年變化交代, 角色的性格好立體, 當我知道男主角原來是<<21>>果個大學生, 都有D SURPRISE~可見美指服裝很不錯....如果結局有創意D(唔好跟原裝小說)...我會比85分佢, 而家就有75分啦~

<<PINA 3D>>
現代舞, 我零知識, 以前未睇過, 但呢套MOVIE係電影節時我已經有興趣, 因為pina bausch已經死了, 我都想了解一下由佢所創的藝術...結果係, 就算你不知什麼是現代舞, 也會覺得不錯, 因為3D真的做到舞台感, 而且全片穿插PINA的伙伴舞蹈員對佢的心聲與思念, 不同的段落交錯, 全部都好精華, 每個舞蹈員當說出對PINA的思念都令人感動...全片我最喜歡的有一開場那代表一年四季時間變化的動作...而最感動我的是有一個女DANCER在泳池跳的那1段, 她說PINA叫她不要太過害羞, 她努力去克服, 她夢遊似的在一個標準池旁跳著舞, 唔知點解我就覺得好感動....可能因為比我一種孤獨的感覺...是對現代舞不錯的初體驗

<<MIDNIGHT IN PARIS>>
又係睇人話好正, 睇完覺得OK LA~係D演員扮古人扮得好, 其餘無咩特別, 我反而喜歡幾年前的<<愛上塔羅牌殺手>>

<<3 idiots>
睇1次睇BOLLYWOOD MOVIE, 佢當然不是勁歌連場, 而是好有意思的故仔+小小歌舞場面, 雖然也是很3毫子, 但情節很豐富...有幾好笑...雖知近年的笑片大部分都無乜腦,呢套有感情又好笑, 輕輕鬆鬆3個鐘, 值得一看!

8號波

真係LUCKY DAY, 本來一早起身時仲爭扎好唔好請SICK LEAVE, 橫點呢幾日無野做, 返公司都係得個坐字, 坐到我PAT PAT都大晒, 哼! 點知一拎個IPHONE睇下, 就見到8號波訊息~~心想, 咁荀?! HAHAHA, 即時返訓, 我咁大個女第一次8號波唔駛返工, 做MEDIA就無咩8唔8號, 只有埋唔埋稿~但T生就慘了, 要打的去返工, HAHAHHA~~~~

見咁得閒, 又UPDATE下最近的SHOPPING LIST~ :P

TAOBAO狂
我愛WEIBO簡直同中毒無咩分別, 日日時時都要上去睇下, 最近仲關注左好多TAOBAO主人的A/C~日日都可以睇到有咩唔同的STYLING新貨, 好多都唔錯的, 只係人仔的對匯率真的不可愛, 買小小野都要幾舊水, 都未計DELVIERY~哼! 但見咁耐無買就再幫襯下啦!

BTW, TAOBAO, WEIBO真的改變了我不少的生活, 我而家真係好少會去CWB, MK行街, 除了ZARA & H&M, 那些賣TAOBAO貨的小店已經賺唔到我$了~是全球化的一種體現吧!! HAHA.....(廢話連篇!)

呵~又是白色的SHIRT, 不過是紗的質地, 可以多一點女性化感覺 RMB$58

買了這褲, 因為喜歡它的拉鏈DETAILS, 希望我不會把宅掙爆 RMB$89

這個CUTTING想找好耐,因為襯白SHIRT PERFECT啦 RMB$79, 而家TAOBAO店主的STYLING真不錯, 都拍得出少少歐洲味, 有D仲會搵鬼妹MODEL拍, 又有好多FANS支持, 我想TAOBAO是國內青年創業的好開始吧, 強國強國!

這個TWEET COAT下BID時只有藍色, 其實我想要的是白色, T_T希望不會顯老吧......RMB$175, 見到D人的風評質量不錯, 應該信得這, 而且直拍選平郵已默認是順風到付, 方便的呢!

白色比較FRESH吧T_T, 好想要...

生活在轉~轉~轉

轉轉1 - 上個月終於的起心肝及勇氣做左LASIK, 我記憶中我好似ard小5至小6左右成為4眼妹的, 一帶就十幾年, 帶con都係上年開始試, 一試就知唔多習慣...先決定去lasik, 2皮野就可以無近視, 抵啦, 而且其實唔係好痛的手術, 而家個世界清楚晒了!

轉轉2 -唔知點解, 呢排個鼻高左, 連日日見我的人都問我係唔係去做左d咩?! 無呀大人, 我係好想打透明質酸, 但事實我都無咁多$, 唔會囉~ 但等對眼好返我會去try一下顱面的facial, 希望可以令塊面對稱返啦!

轉轉3 - 最近個幾月改用左新的護膚品,有以下的感想:

擊斑美白精華 HK$760

中上價格的精華, 叫我比$買一定唔會捨得了. 功效講到好神奇, 就可以褪斑又均勻膚色又點點點點,, 總之就好WORK啦~我用完14日後, 面上的斑斑的確淡了一半, 不過之後都係KEEP住無再進步了, 膚色的確有均勻左的, 但係唔係一定係佢的功勞呢? 真係唔敢講, 因為我仲有用其他的美白產品. 總之個效果係幾OK的, BUT $760就貴左小小, 因為之前我用過REGENE的卸黃美白精華,同都有差不多效果~

ME MOIST WHITE W2 HK$590(?)

呢支ME WHITE我用左W2, 係有D潤的,我當lotion用, EXACT價錢忘了, 感覺不錯, 適合而家開冷空的時間用, 有補濕感覺, 而美白呢方面 , 我真的有白左, 膚色均勻左, 但究竟係佢還是上面的功勞就I DUNNO了~不過我喜歡它可以滋潤, 可以代埋保濕霜

ORIGINS A PERFECT WORLD LOTION HK???

唔知幾$, 人家送的, 我一向都愛ORIGINS的產品, 但以前未正式買過貨SIZE LOTION, 用親都係佢D SET的辦仔, 水之中有D粉白色, 但又唔見有沈澱物WO, 用左半支了, 我對TONER無咩大要求, 覺得用過最好真係有效的係KIEHLS的青瓜TONER, 真的好保濕, 如果你的皮膚好乾, 用上去會有刺痛, 但之後就會無, 因為佢會比左D水分你, 之後就會收細返D毛孔TIM, 但另一樣為大家歌頌的 HERO金盞花就未用過, 太貴了! 講返呢支先, 塗左之後有D LUP LUP地, 要等一下先吸收到, 效果感覺不大好, SO要我比$, 我就唔會買囉~

lush bubble gum lip scrub $89

一直好LAZY, 對於潤唇膏亦唔係成日用, 終於比人話我個咀好深好暗啞...於是走去搵左呢隻LIP SCRUB, 得呢隻BUBBLE GUM味係OK, 雖然好SWEET, ,但另外果2隻味 CHOCOLATE / MINT, 簡直係不能接受..ANYWAY, 呢隻SCRUB真係非常唔錯, 平平地用左2~3次已經改善左D死皮, 令個咀回復返粉色, 之後再加上凡士林過夜, 第2日就可以有返個CHU CHU LIPS~好野來的...但因為佢係糖粒, 又好香, 驚佢會惹D死虫虫,一定要包起佢呀!

Sick 唔Sick都要Shopping

呢排收到好多店舖pre-sale的sms, 心郁成日想shopping,但比一場大病破壞晒, 咳到成個張活游咁, 仲連眼都發炎, sick leave 都請左2日, 睇左我好多$, 好在而定拍左支針, 終於止左咳, 今晚可以有覺好訓...
不過病還病, 適度的"濕平"係可以為我精神排下毒的...我當然不負眾望, 依然庶時裝界"出一分力"

我買野有d習慣好得意的, 就係每一輪時期shopping都會有一個theme, 除左永恆的黑色items (我呀ma叫我呢d all black look做"巫婆裝"), 我仲會為自己定下一個wish list, 就係將想要的item特點list出來, 我並不是求其是但或合眼緣而買的, 所以朋友好多時都會讚我選的item不錯看, 因為我會一早做定功課先去shopping...

例如我今期我又當上了"條紋控" (呢個theme時不時會番發, 有一次係病發期買左10件stripe items, 有cardigans, 有tee, 有skirt, 有pants, 真係係乜都買一餐)

係我定左shopping theme之後,我會同自己講:「你欠的係一件橫間tee」而我心中的當然會再定下Cretria比自己, 係如參考runway大師設計左的款式, 明人明星穿的款, 素人mix & match的choice,
咁我就會係行街時主攻呢個item, 由大型連鎖店, 如zara, H&M, mango等狂睇間條, 係d細鋪就睇左d 心水款, 上去taobao再search 睇下搵唔搵到...好可怕, 我可以一連行好多個hrs, 或online search幾小時, 為了可以買到wish list上的item...

後記:

上面的blog post寫左成個幾2個月, 只係無post出來, 而家我個wish list theme又轉左了,
最近就愛上左買褲, 係baggy cutting or 7分西褲, 已經新入手左3條, 計埋之前舊有的, 一隻手都數唔晒了...配襯的style可以參考下呢個weibo --> http://weibo.com/evapengyingzi
喜歡她長褲style, 沒有長腿都可以參考一下color同cutting的配搭~

這樣的灰色baggy pants好多人都有, 她的配搭簡約和諧, color不一定要黑白灰, 搞到我都想去買返幾件鮮色color top mix & match~

Distinctive Scent

我愛的香水...

Versace Versense

每隔一段時間就會心思思想要買新的香水, 呢一支就係我的新歡,  呢支香味一開始就係好強的柑橘味道, 之後慢慢變成帶木味的麝香, 女性化得來又不失個性, 我臨訓前都會噴小小, fresh and elegant.

Lanvin Eclat

呢支係我最愛的氣味, 小小帶酸味的前調之後就即時變成淡淡甜味的丁香花, 就好似佢個樽身設計一樣, 有紫色的女性優雅, 又有金色同閃石的華美, 噴左個人都變得sophisticated左

Lavnin Jeanne

睇到包裝同model的style, 穿著粉紅紗裙的貴小姐, 好明顯, 呢支味道較sweet, 不過甜得來好特別, 無記錯好似係白葡萄的甜香, 感覺有飲酒的愉快感覺

PAUL SMITH ROSE

噴完真係變左成支大玫瑰花咁, 好有真實感的花香味道, 不過特色不大, 可能因為樽的設計不夠可愛吧

 Nina Ricci Nina

好甜的味道, 我其實只係為左個樽的設計而買, 一顆大大的紅蘋果, 不能抗拒, 當年係網上睇到廣告已經即刻去搵, 雖然味道不太適合我, 但還是大愛

D&G Light Blue

非常清新的檸檬香味, 唯一一支香水我用得晒的

H&M X Versace

Donatella Versace 穿上了Versace for H&M 裙出現於F/W的runway謝幕, 我以為今次我唔會有與趣, 因為我較喜歡Cristopher Kane主理的Versus, 但睇到呢張又有d心動, 期待見到full collection了!

底妝 - 差強人意篇

FOUNDATION - DIOR

好潤呀好厚呀, 點解我會買GA? 好彩3百幾O者

 

Concealer - Makeup Forever

OH NO! 點解咁Q乾我都買? 佢的COVERAGE真的好HD, BUT~好難APPLY得好, 因為乾呀, 搞到好難推,用掃又好, 用手1指又好, 都唔係好SMOOTH~ 而家HEA左係度!TOO BAD!

POWDER - PAUL&JOE

真係好閃, 個人不愛閃, 又不是要去登台. 不過個CASE好靚囉!

底妝 - 中規中矩篇

今日太得閒, 一次過update埋用過的底妝產品啦, 回顧下自己spend左幾多無謂$係呢d地方...

Base - SHISEIDO The skinecare

第1支又係唔駛$, 感覺幾好, 因為我唔多用BB CREAM, 所以覺得佢幾好COVERAGE, 不過得01, 02兩個色, 第2支我自己比$買價錢好似係$270, 買返02色, 但今次覺得色好深, 用完變左面黑黑咁, 即刻送左比人用...優點係COVERAGE好, 易推勻, 唔笠...而缺點係COLOR太DARK, 提亮感覺不佳, SO FAR SO GOOD!

BB CREAM -REGENE

我之前真係無用過BB CREAM, 因為本人粗支大葉, 唔CONCERN皮膚健康, 覺得有BASE就OK了, BB CREAM呢D野SELL對皮膚無咁大傷害, 對我黎講唔係幾MOVE到我...ANYWAY~呢支又係唔駛$ 既(E, 原來好多野都唔駛$ WO又!) 所以佢係我第1支用的亦係唯一一支用過的BB CREAM, 但其都OK, 因為好水的, COVERAGE就無乜但可以令面色均勻D, 好似約$148~(平定貴?) 而缺點呢, 就係TUBE的開口好大, TEXTURE又水, 成日留Q晒出來, 嘩, 唔小心用又會按左超多出來, 想點呢?!

FOUNDATION - MAKEUP FOREVER

人生第1支FOUNDATION, 係大學時買的, TEXTURE超得意, 好似JELLY咁的, 點解咁偏門用MUF的粉底呢? 因為我就係一個偏門人, 好愛發掘一D小人用的品牌的...加上佢好似BOOBIE BROWN咁, SELL PROFESSIONAL MAKEUP的形象, 粉底的色好多, 我以前由於唔多做防曬又唔識美白, 真係活生生1個黑碳, 佢就可以夾到我膚色啦....優點: 好補濕, COVERAGE好 缺點: 次次用都要搖呀搖, 搖散佢先得, 好煩囉, 我咁LAZY! 所以無返兜...

CONCEALER - MAKEUP FOREVER

千年黑眼圈的我, 仲要加上眼肚紋, 至今我真係仲未搵到令我滿意的CONCEALER, 唉! 呢個TEXTURE好滋潤, 用左唔會出晒乾紋, 不過就由於潤...真係...厚厚地, 持久度好似都普通, 用過2支, 之後就去試其野了!

不再素顏

轉左工2個多月, 忙左, 日日都OT, 連呢個BLOG都唔記得左, 2011 都踏入6月了, 都係得果幾篇文....又生晒菇了...因為新公司好多女人, 個個都執到正, 搞到我都唔敢再用鬼樣素顏返工, 勁勤力日日化返個底先返工...於是又入手了新化妝產品...加上舊有果一堆, 有好有唔好的, 而家就分享一下...


底粧 -好用篇
肌膚: 混合性偏乾
瑕疵: 好大黑眼圈, 眼肚有幼紋, 鼻頭有小疤

BASE - PAUL & JOE

呢個唔駛多講, 好多人都知佢好用, 因為調色功效好, 細細的珠光粉末, 一用即時有返均勻的膚色, 又可以有D COVERAGE, 而且而家轉左泵頭設計, 好用好多, 用左佢就可以用少D分量的FOUNDATION了! QUICK & EASY!

FOUNDATION - COVER MARK ESSENCE LIQUID FOUNDATION

又係出名啦, 用過COVERMARK的人都會極力讚它又薄又好COVERAGE, 我用的是Y20色, 第一1次試上面, 覺得無咩野, 之後上左碎粉, 登登登登.....效果即時好自然又貼又遮左D毛孔...皮膚即時無咩瑕疵, 不過對我來講, 四百幾蚊有點小貴, 係SOGO THANKFUL WEEK我先會去買, 用完之後可能轉...

Compact - Sonia Rykiel 

SONIA出名係豆腐粉底, 我買COMACT FDT為左補妝用的. 老實講,呢個粉餅非常好..因為上面之後一D都唔乾, 我混合性皮膚的, 個面頰OK, 而個鼻就會又乾又出油, 但呢個COMPACT頂得住WO, 補左一次粧之後就全日都無咩出油啦WO~而且用完塊面好滑, 黑眼圈唔重的日子真係唔用遮瑕膏都OK! 貴ga~但會KEEP住用

Concealer - Yves Saint Laurent Radiant Touch

質地很水薄, HIGHLIGHT功能多於CONCEALER, 我用佢來為個眼圈底打底先, 再上其他CONCEALER,持久度會好好多GA!不過之前有個化妝師朋友極推Cle de Peau Beaute的 concealer, 所以用完呢支可能都唔返兜了!

Concelaer - beauty maker

好平, 應該$100唔駃, 果時係台灣網購的, 訂完第2日係7-11就可以即時拎到, 台灣的online shopping service真係要比10個讚, 而家circle-k先開始左有代收taobao貨的服務, 真係好outdated, 香港乜都有, 但好多野又比其他多亞洲地方做得唔好, 例如環保就係啦...opss~ 扯太遠了! 呢個concealer決勝點就係平平平, 而且都幾薄同自然, (有朋友就認為太自然, 無料到, 我就覺得OK)...係好累的日子, 就上左ysl再用佢, 就遮得幾好, but...淨用佢的話, 好快就溶了! opssssss

 POWDER - LANCOME

用lancome的powder, 因為唔駛$的. 用左又覺得幾ok wo, 粉粒好細滑, 加上我唔愛閃閃的powder, 呢個又係自然派, 就一直keep住用了...不過powder呢樣野好吊詭, 咁多的分量, 真係買1次用幾年, e..而家呢個好似開用左快2年...應該買新的了吧, 不過仲有好多wo, 點先?!

Tiger Year最後一擊之二

唉!唔怪得人人都話神婆susan miller準到無朋友! 佢話我呢段日子會有大開支, 卒之我就真係呢2日洗大左了...唉....
 去到i.t明明係想買一對jeffrey campbell, 點之拎左3對鞋走....why?!我究竟有幾多對腳??

就係呢對Jeffrey Campbell, 折左$840, 有signature的鏡面deco, 有成4-5寸高, 有無可能穿去返工呢? 勁!

呢對見人試幾好睇, 而且有7折, 哼, 折左$540咋! hahaha (以笑遮醜!)

puzzle厚底sneakers, 本已有一對黑色漆皮, 不過第3對6折, 所以買左對閃珠片, 又係黑色...chi sin!

Tiger Year最後一擊之一

每到年尾, 我無論如何都要洗一舊$先安樂, 就算d野我根本原先無打算買, 偏偏就因為而家係年尾, 我一定要洗$...就買下一大堆有的沒的...以下就係我tiger year的最後一擊!!

Maquillage rouge enamel glamour pk386 ($230)

我究竟有幾多張咀? 又去買lipstick
唉...抵抗不了Maquillage的廣告, 女主角的美唇總是輕易吸引我
依多年敗家經驗, Maquillage的lipstick的確物有所值
由4年前買第1支, 都encore了2支(雖然有1支不見了, 又有1支係因為crossover alexander wang之名而買下的)
今次的selling pt係塗上1分鐘後就不脫色
color的確很飽和又夠水潤, lip gloss的閃粉很bling很細, 不過卸的時候有d笠痴痴的感覺(因為要不脫色?)...不可以用單單用卸妝水卸...






講開lipstick, 我買過咁多大大小小的牌子, 令我意外的覺得好的品牌包括
1. Sonia Rykiel

就算係nude色都非常顯色, 可以蓋住我原本的深唇色, 不用先麻煩打底, 而且夠水潤持久, 仲有淡淡玫瑰香, 包裝又靚, 送左支紅色比個做空姐的friend都話好持久!

2. Stila Lip Gloss


真的做到豐唇感而又不會笠得太緊要, 加上color選擇多, 又顯色, 用stila的lip gloss出PR function, 不下一次比人話我個唇妝靚, haha

3. vaseline lip therapy rose

無 錯, 係凡士林! 我都係有一日途經element的萬記, 覺得個lip好乾又無潤唇膏係身, 醒起magazine的介紹, 誤打誤撞買下的, 意外地覺得好, 上咀後rosy色好自然, 唔化妝的日子好o岩用, 唔會對個咀有咁大負擔, 而且好平囉! 仲想點呀?